ORANJESTAD (AAN): Bucuti & Tara Beach Resort, Aruba, ta sigui duna trato VIP na su empleadonan cu sesionnan exclusivo y priva di Turning the Tide,
Aruba su documental nobo y primo di su tipo, na Gloria IMAX den su VIP rooms.
E prome sesion a tuma lugar riba 12 di Februari, y e siguiente sesion priva a tuma lugar dialuna, 17 di Februari. Como parti di su enfoke integra y duradero riba sostenibilidad, Bucuti & Tara ta brinda su empleadonan acceso gratis na e pelicula inspirador cu ta mustra e trabao transformador cu ta tuma lugar riba nos isla. Durante e experiencia, nan por disfruta di popcorn y nan bebida preferi, hunto cu un persona special di nan escogencia.
E Olanan di Mañan ta subi costanan di Aruba: Turning the Tide, un documental cu ta mustra e trabao inspirador di Aruba Conservation Foundation den colaboracion cu Wageningen University & Research, ScubbleBubbles Foundation, RESEMBID y Universidad di Aruba, ta explora e desafionan ambiental di Aruba, specificamente e peligernan pa e habitadnan marino y e esfuersonan colectivo pa rehabilita ecosistemanan fragil aki -cuminsando for di fondo di laman subi bin ariba.
Como e prome y unico hotel certifica carbono-neutral den Caribe, un parti di lidera cu ehempel ta inclui empodera e ekipo di Bucuti & Tara cu conocemento tocante e desafionan ambiental urgente cu e isla y planeta ta enfrenta.
Turning the Tide ta alinea perfectamente cu e mision di e resort y su compromiso na e Objetivonan di Desaroyo Sostenibel di e Nacionnan Uni (UN SDGs), proporcionando un manera interesante pa refleha cu sostenibilidad ta e curazon di tur loke e resort ta haci. E sesionnan special aki no ta simplemente un anochi di pelicula -nan ta un oportunidad pa e Empleadonan di Bucuti y nan famianan reuni, comparti e historia di sostenibilidad di Aruba, y worde inspira pa sigui sostene proyectonan transformador cu ta proteha nan cas pa e generacionnan futuro.
Isla Chikito, Logronan Grandi: E resort semper a kere cu hende por cambia e mundo for di unda nan ta para—of den e caso di Turning the Tide, for di unda nan ta landa. E esfuersonan aki ta pidi colaboracion, y den e spirito di un meta uni, Bucuti & Tara ta contento di por a brinda e sesionnan special aki na su ekipo pa celebra e progreso pa proteha Aruba pa e futuro generacionnan.
