Bucuti & Tara Beach Resort a celebra 'Housekeeping Week' cu eventonan special

ORANJESTAD (AAN):   Bucuti & Tara Beach Resort, vota como e #1 Resort den Caribe y e #18 na Mundo door di su huespednan riba TripAdvisor,

a honra su team di housekeeping cu reconocementonan special y premionan durante Housekeeping Week, cual a tuma lugar September 10 te cu 16.    Housekeeping Week ta un evento anual patrocina door di Integrated Environment and Health Assessment (IEHA) pa mustra aprecio pa e trabou duro y dedicacion di housekeepers cu ta mantene hotelnan y otro facilidadnan limpi pa bishitantenan y otro empleado.

            Bou guia di Executive Housekeeper Elston Cilie, e team di housekeeping di e resort tambe ta hunga un rol esencial den implementacion di e practicanan eco-amigabel di e resort, manera uzo di productonan di limpieza natural y biodegradable, reciclahe, conservacion di awa y energia, y proteccion di e medio ambiente.

            Pa celebra, e resort a recompensa su team di housekeeping cu varios actividadnan y reconocimentonan manera desayuno den nan Tara Lounge, un caminata di meditacion durante puesta di solo, bowling, y un cena na Acquarius.

            “Nos ta hopi orguyoso di nos personal di housekeeping y nos kier gradici nan pa nan servicio excepcional y compromiso na nos resort y huespednan”, Ewald Biemans, doño y CEO di Bucuti & Tara Beach Resort ta splica. “Nan ta e pilar central di nos operacion y nan ta merece di wordo reconoci y recompensa pa nan trabou duro”.