ORANJESTAD (AAN): El a bay cumpra su numbernan di Big 4, y ora di mira e sorteo, el a nota cu el a gana tambe.
Pesey riba Diamars, Bruce a acudi na oficina di Lotto na Playa pa reclama su premio. Aki e empleadonan a revisa su ticket pa check si el a pone su firma, y despues a scan e Barcode.
E computer inmediatamente a indica cu Bruce a gana e premio di 10.000 Florin hungando wega di Big 4.
Mesora a cuminza cu e proceso pa transferi e premio electronicamente pa su cuenta di banco.
Bruce a indica cu e ticket ganador el a cumpra na Djucu Mega Lottery.
