Brouwerij Nacional Balashi ta lansa Magic Orange

ORANJESTAD (AAN): Diaranson, dia 9 di februari 2022, a presenta e lansamento tan spera di e cerbes nobo di e famia di Magic di Brouwerij Nacional Balashi

durante un recepcion cu a tuma luga den Gloria Theater. Magic Orange lo ta disponibel den luna di Maart rond di e isla den diferente supermercado, bar y restaurant den boter di 7,4 ons y mas despues den zomer, den draft y den bleki.

            Magic Orange ta un Aruban Pale Ale di color Oranje, (alcohol/volumen 5%) y e di dos cerbes añadi n’e famia Magic. E cerbes refrescante di colo honing oranje ta provoca e nanishi cu e casca crunchy di e aromanan citrico briyante suavisa p’e holo di e malt cu ta aparece n’e top. E cerbes aki ta suave y facil pa bebe y ta ofrece un balans bibo entre e acides y e sabor dushi di e apelsina, cu suficiente toke riba e lenga pa añadi algo di profundidad na final.

            Brouwerij Nacional Balashi a lansa e prome cerbes di e marca Magic, Magic Mango, na 2020. Originalmente traha como un edicion special limita, e popularidad di e cerbes a exigi un luga permanente den e profiel di cerbes di nos Brouwerij Nacional Balashi cu ta inclui e cerbes Balashi y e faborito di beach, Chill. “E famia di cerbes Magic lo sigui crece cu e edicionnan di fruta nobo, na altura di e momento y di e deseo di e consumidornan di descubri cerbes autentico y local,” Warren Stanley, director general di Balashi Brewery a bisa.

            E lote inicial di Magic Orange di Brouwerij Nacional Balashi ta di 4200 caha y na un prijs special.

            Brouwerij Nacional Balashi, t’e unico cerveceria di Aruba cu ta ofrece e reciclahe incentiva, cu e obhetivo a largo plaso di contribui n’e esfuersonan general di sostenibilidad di Aruba, n’e mes momento ta crea consciencia medioambiental y ta recompensa e consumidornan y e empresanan pa participa tambe den e reciclahe pa reduci sushi y mantene e isla limpi y bunita p’e futuro generacion. 

Algun nota di Magic Orange 

            E cerbes refrescante aki di colo honing ta tenta e nanishi cu e casca crunchy di e aromanan di citrico briyante modera p’e holo di malta cu ta aparece n’e top. E cerbes nubia aki ta suave y facil pa bebe y ta ofrece un balans anima entre acides y e sabor dushi light di apelsina, cu e toke suficiente rib’e lenga pa agrega algo di profundidad na final. Perfecto pa tur occasion.