Por medio di Super Food Plaza Cares Program
ORANJESTAD (AAN): Recientemente Super Food Plaza Cares Program a haci entrega di un check na valor di Afl. 30.000 na Fundacion Movemento Ta Bida. E check a ser entrega pa marketing manager di Super Food Plaza, Sr. Rudy Richardson y a keda ricibi pa e director di FMTB, Sr. Rudy Leysner.
Tanto Super Food Plaza como Fundacion Movemento Ta Bida ta gradici e clientenan di Super Food pa nan donacion. E fundacion su enfoke ta pa organiza actividadnan fisico, tanto social como recreacional, pa esnan di edad 60 plus pa mantene nan activo na edadnan mas halto. Di e manera aki nan por keda funciona independiente y cu un mihor calidad di bida. Tambe FMTB a cuminsa un programa nobo pa yuda esnan cu problema di mobilidad na cas.
E ganadornan di luna di januari den e campaña Give & Win di e Super Food Plaza Cares Program a resulta:
Lisandra Vrolijk – v.d. Biezen – gift card Afl. 1.000
Veronique Croes – gift card Afl. 750
Tamara Llanes – gift card Afl. 500
F.J. Brattinga – gift card Afl. 250
Rayza Castillo – gift card Afl. 100
Pa participa den e campaña aki, simplemente haci un donacion di Afl. 1.75 of mas na cualkier caha di Super Food Plaza y deposita bo recibo original cu nomber y number di telefoon ariba dje den e tombola.
Tur prome dia di luna ta saca 5 feliz ganador. Premionan ta patrocina pa Super Food y tur donacion ricibi ta bai bek pa 100% na comunidad. Fondonan di SFPCP ta ser maneha pa CEDE Aruba.
