Brickell Bay awor a bira Tryp by Wyndham

Ministro Dangui Oduber na Hotel nobo

ORANJESTAD (AAN): Diahuebs atardi Minister di Turismo y Salud Publico, Sr. Dangui Oduber, hunto cu colega Minister Geoffrey Wever, y inversionista sr. Jared Visser a corta sinta pa apertura di TRYP by Wyndham. Tabata un honor y un placer pa Minister Oduber.

  Na 2022 Sr. Visser a cumpra e hotel cual tabata opera bou nomber di Brickell Bay Beach Club & Spa. Minister Dangui Oduber a worde invita e aña ey pa mira e plannan pa e futuro cercano y a ricibi presentacion over di e plan cu Sr. Visser tin pa futuro di e hotel. E tempo ey a cuminsa di biaha cu renobacion di tur e cambernan, sigui pa e lobby area y e pool area cu meta pa por ofrece turista un miho servicio y calidad moderno.

  Tryp Hotel ta un upgrade completo y sigur un bunita proyecto pa Aruba su turismo. Minister Dangui Oduber ta keda kere den nos propio arubianonan y ta hopi orgulloso di mira con un arubiano awe ta doño di su propio hotel.

Un felicitación na sr. Jared Visser y su famia. Tur clase di exito.