ORANJESTAD (AAN): Ultimo decadanan el a bira e forma faborito di comunidad pa cera aña.
Esta e costumber pa riba ultimo dia di aña, hendenan ta aglomera den centro di ciudad pa asina despedi di e aña bieu, cu tiramento di Pagara.
Comerciantenan di antemano tabatin costumber di anuncia di antemano, e horario cu nan lo ta tira nan pagara, pa asina publico por bay yega cerca, y mey-mey di musica di Dande y tin biaha ainda di Gaita, ta mira e espectaculo di miles di tiro di klapchi ta resona simultaneamente.
Pero awor na 2024, debi na problema di transporte di container cu explosivo den dje, ta hopi pais a keda sin ricibi nan cargamento. Containernan di Pagara a keda stagna un caminda, y no a yega Aruba. Recien a sali informe cu kizas nan lo yega te otro aña, sea na luna di Januari of Februari 2025.
Di awor caba... kico lo ta di Caya Grandi riba ultimo dia di aña? Djis bay mira algun hende tira klapchi chikito, kizas double-shot, thunderking, y kizas fontein of flowerbeds chikito.
