WILLEMSTAD: Algo a bay malo net ora cu e boto special di Defensa Hulandes tabata dunando un show pa publico riba Diabierna.
Ta trata aki di e speedboat special tipo FRISC, y el a bay dal y pega na costa di e isla Curasoleño pa motibo di un defecto tecnico.
Tabata Diabierna merdia cu e boto FRISC di Defensa Region Caribe Hulandes a resulta daña pa motibo di un defecto tecnico na e mecanismo di stuur. E boto na e momento di e suceso net tabata realizando un demostracion durante “Velas Latinoamerica Curaçao”.
Como resultado di esaki, e boto pa un rato cortico no por a dirigí e stuur, cu resultado cu esaki a bay pega canto di costa na Bahia Santa Ana.
E tripulacion y e publico mirando a keda ileso. Defensa ta investigando e loke cu a socede. E demostracionnan cu tabatin planea pa e siguiente dia, esta Diasabra a continua normalmente.
