Boto cu famia Venezolano a naufraga den lama

Muchanan y babysitter haya cu bida - LOS TEQUES: Un famia di estado Miranda,

kendenan Diabierna cu a pasa a sali abordo di un boto for di pueblo di Higuerote rumbo pa e isla di La Tortuga, cu ta situa 330 km Oost-Zuidoost di Bonaire, tabata perdi den henter fin di siman.

   Pero te Diamars mainta e informe a plama cu nan ta perdi riba lama.  Nan a sali cu e boto for di Puerto Encantado na Higuerote.  Pero nunca nan no a yega na La Tortuga.

   E famia a sali abordo di e boto modelo Intermarine Z29 cu dos Outboard Engine, y registra como ‘Thor’.

   Famia Camblor-Chacón tabata abordo, cu Remis David Camblor (capitan), Mariely Beatriz Chacón Marroquin, Veronica Martinez, Jose Javeir Marcano Narvaez, Alejandro Osorio Graterol, Vianney Carolina Dos Santos Morales, y dos mucha esta Jose David Camblor di 6 aña y Maria Beatriz Camblor di 2 aña.

  E informe tristo a drenta cu despues di varios dia di buskeda a logra haya algun di e personanan cu tabata perdi. A localisa e dos muhanan, e babysitter y e mama (Mariely Chacon), pero esaki a fayece.

    Tin videonan cu ta mustra e momento cu a localisa e personanan aki ta drif den lama. A rescata e tres sobrevivientenan. Tabata algo hopi tristo pa mira. Nan a wordo hiba tera, na e base naval di La Orchila y despues La Guaira pa atencion medico.

    E muchanan a presenta de-hidratacion y kemadura di solo despues di 4 dia 'a la deriva'.

    Pa loke ta e resto di personanan abordo di e boto, no tin informacion di nan paradero. E buskeda ta sigui 

    Awor mas informacion lo duna di conoce kico precis a sosode. Veronica Martinez (25) a relata medionan local cu e boto a kibra den otro y e zink