ORANJESTAD (AAN): E siman aki, Asociacion AHATA ta organizando un ‘bootcamp’ interesante pa diferente manager di Hotelnan local,
y esaki ta ser presenta cu Caribbean Hotel and Tourism Association (CHTA Educational Foundation) pa eleva aun mas e nivel di servicio na turistanan den Caribe, y specificamente na Aruba.
E bootcamp aki ta carga e nomber di “Own Your Supervisory Authority Responsibly”, y por a nota cu tur participante tabata hopi entusiasma. Asina a pasa pa papia den strategianan di liderato cu lo eleva e industria turistico di Aruba.
Cada participante a ricibi un T-Shirt special di #AmiTaTurismo cu ta un recuerdo di nan rol balioso den industria di turismo. Aki por mira e participantenan di prome dia cu a keda hopi contento cu tur informacion innovador cu nan a ricibi.
