KRALENDIJK: Pa hopi tempo caba, e isla di Bonaire ta buscando un lugar unda nan por crea un Waf nobo pa handle transporte di carga.
E proceso aki a dura largo, y a haci uso di experticio pa por a yega na un lugar unda cu sigur e lo bay ta mihor pa tur hende.
Asina decision a cay recien, cu e tereno grandi di e planta di genera awa y electricidad na e isla, esta Planta di WEB cu ta situa den bario di Hato na Bonaire, lo wordo dividi den dos. E parti di tanki di fuel oil y tambe e plantanan generador lo sigui mescos.
Pero e area banda zuid di dje, unda tin algun oficina, e shop di mecaniconan, y algun deposito di e compania, lo bay wordo elimina completamente. Tur esaki lo bay bira e ora e Waf nobo di Carga cu espacio pa staciona container.
Nan lo tin acceso tambe na e cuatro Pier cu semper tabatin dilanti di WEB Bonaire su costa.
Tur e decision aki a bin despues cu a haci un analisis di costo y beneficio riba tereno social, cu e compania Ecorys BV a haci pa Gobierno di e isla.
