KRALENDIJK: Esnan di STINAPA na Bonaire, ta un organizacion cu ta maneha parkenan natural di Bonaire, na nomber di Gobierno.
E dianan aki nan ta trahando tur dia pa kita yerba di lama Sargassum for di costa. Cu heavy equipment nan ta hiba e Sargassum aki pa e Landfill di Bonaire. Nan ta haciendo esey, debi cu nan a descubri cu unavez cu e Sargassum sali for di awa y seca, e no ta produci e holor malo fuerte mas.
Pero keto bay STINAPA ta investiga opcionnan manera usa Sargassum pa compost (gordura), cuminda di bestia, y materialnan di construccion. Pero tin di corda cu Sargassum ta contene metalnan cu ta toxico. Pesey e opcionnan aki ta forma un peligro pa hende, bestia, y medio ambiente.
STINAPA a bisa cu nan lo sigui investiga opcionnan mas safe y sostenibel pa deshaci di Sargassum. Pero salud y seguridad publico ta keda nos prioridadnan principal. Mientras tanto, STINAPA lo sigui saca Sargassum for di lama y beach pa proteha naturaleza.
