Bonaire a haya un piscina di lama danki na ‘Pier flotante’

KRALENDIJK: E instituto deportivo Indebon a traha duro pa haci e piscina di lama (‘Floating Pier’) den lama na altura di Parke Tului bira realidad.

  Pero prome cu tur hende por cuminza haci uso di e Pier aki cu ta converti e pida lama ey esencialmente den un pool.. nan ta impone algun regla pa cu su uso.

   E Floating Pier aki na Bonaire ta habri y gratis pa tur hende.  Muchanan bao di 15 aña mester ta presente cu un adulto.  Esnan cu subi e Pier ta haci esaki bao propio riesgo, pues Indebon/Stinapa no ta asumi responsabilidad eynan.

   Ta estrictamente prohibi pa usa e Pier aki pa trata di gara pisca.  Bo no por usa ningun obheto pa captura pisca.  Esaki relaciona cu higiena y seguridad pa landadornan den pool y demas hendenan eynan.  Bo no mag di benta sushi riba e pier ni den lama.  No por bin cu ningun mascota riba pier of den lama eynan.  Ta prohibi pa usa alcohol, huma, of dal droga.

   No por bin mara ningun boto na e Pier, ni pasa eybanda cu velocidad halto, of nabega demasiado cerca di e Pier.