Boluntarionan di Rode Kruis a bishita Crisis Management Office

ORANJESTAD (AAN): Recientemente e boluntarionan di Rode Kruis Aruba a haya e chens di bay bishita CMO,

esta Crisis Management Office, como parti di nan partnership bao di e MoU cu tin firma entre e dos organizacionnan aki.

   Pa compronde e rol di CMO y su plan strategico, tabata algo vital y importante pa e bolluntarionan di Rode Kruis.  E team di CMO a percura pa e anochi ta informativo y tur hende a interactua riba diferente aspecto.

   A cuminza cu un presentacion detaya di nan operacion y strategianan pa reaccion durante emergencia, sigui pa un demostracion impresionante pa mira tur material, ekipo, y unidadnan di operacion den accion.

   Rode Kruis ta gradici tur esnan di CMO pa e fenomenal anochi informativo y educacional aki.