Bitcoin NO ta Oro2.0: E ta un Bubble Speculativo di Tamaño Gigantesco 

Analista Simon Waslander:

            Na e momento aki nos ta den un e centro di un mania speculativo cual ta Cryptocurrencies. Nos ta tende tur sorto di cos, unda “expertonan mes nombra” ta bisa cu Bitcoin ta Oro2.0. E articulo aki ta un resumen y un alerta claro pa no specula.

Historia ta yena cu Bubbles: 

            Den un rapport amplio Bank of America Merril Lynch ta splica detayadamente e fenomeno di 'Bubble Financiero'. Nos por wak den e tabel cu e bubble den cryptocurrencies no ta un algo ful nobo den historia, pero un fenomeno cu a ripiti su mes den hopi instancia den pasado.
            Un 'Bubble volgens BofAML' ta cuminsa ora cu interes (e prijs di placa) ta mucho abou den terminonan real ahusta pa inflacion. Esaki ta crea e fundeshi pa 'hot money' move den mercado den buskeda pa oportunidadnan.

            Combina esaki cu un storia of 'breakthrough' nobo nobo, cu ta semper ta special y unico pa e periodo ey. Esaki den combinacion cu 'hot money' ta crea un circulo cu ta keda 'versterk' su mes te ora cu e 'Bubble' bou peso di logica simpel rementa.
            Den mi humilde opinion, Bitcoin ta un 'Bubble' cu lo herida hopi hende cu ta purba specula den dje. 

Tecnologia Blockchain NO ta Bitcoin: 

            Blockchain ta un tecnologia super innovativo cu lo tin un impacto profundo riba economia global. Te asta ARK Invest ta indica cu Blockchain por hisa crecemento economico cu puntonan di % cu ta inmenso. Pero nos mester compronde den manera duidelijk cu Bitcoin NO ta Blockchain perse. E ta un 'token' basa riba e tecnologia y e prome coin cu a bin den existencia. Mester realisa cu e basis tecnologico ta Blockchain, pero cu Bitcoin ta un uiting di esaki y no sinonimo cu e tecnologia mes. 

Yegando e Final di e Bubble Manico: 

            Den mi opinion nos ta ya caba den e fase final di e 'Bubble di Cryptocurrencies'. Esaki no kiermen cu nos lo top dentro di 24 ora di articulo aki, pero den mi opinion tin mas riesgo pa e prijs di Cryptocurrencies baha cu pa e hisa.
            Tambe indicadornan di sentimento ta mustrando speculacion hopi excesivo miho conoci como “Greed”. E indicator aki di CoinMarketCap ta señalando “Extreme Greed”. 

Bubbles Semper ta Caba hopi Mahos: 

            Nos por tende tur sorto di storia cu Bitcoin ta Oro2.0, cu e ta algo tan unico cu nada no por kibr'e. Newsflash Tulpen na 1630 y Stock den Mississippi Company tambe tawata propaganda mesun manera.
            Awo por wel di ta cu e “fiesta euforico” lo sigui pa plazo cortico. Pero riba un plazo mas strategico e ta mi opinion cu ta perde hende lo perde pa cumpra Cryptocurrencies na e prijs aki.

            Duidelijk ta cu e articulo ta uno pa specula pero pa advertencia general na pueblo pa proteha nan mes y no drenta e mania euforico cu mane tur fiesta excesivo ta caba cu un 'hangover' hopi mahos, cu den e caso aki lo ta un castigo grandi pa speculadonan cu ta haci di mas.