ORANJESTAD (AAN): Corte Comun di Husticia a haci un bishita di trabao na Hulanda, y e delegacion a consisti di preisdente di Hof,
esta Mauritsz de Kort, tambe director di operacion Lex van Rooijen, y e secretario administrativo André Lievaart. Durante e bishita aki en total nan a pasa cerca 23 organizacion.
Den e viahe aki, nan a bishita Ministerio di Husticia y Seguridad, y tambe Ministerio di Interior y Relacionnan di Reino. Na e dos ministerionan aki, e tema principal tabata e creacion di un structura pa un unidad hudicial di casonan di ondermijning na Aruba, y crea loketnan huridico na Bonaire, St. Eustatius y Saba.
President De Kort hunto cu sosten huridico di Tahirah de Lanoy, a duna un presentacion na studiantenan di ley na Rotterdam cu ta uni den e Dutch Caribbean Association (DCA). Meta di e presentacion tabata pa duna e studiantenan un vision di un carera na Corte Comun di Hustucia y trata na entusiasma nan pa nan regresa nan pais y bay traha pa Hof.
Tambe a papia cu e Ombudsman Nacional, Reinier van Zutphen riba su conclusionnan saca pa cu islanan BES, cu atencion special pa e lugarnan unda Hof por hunga un rol pa mehora e calidad di bida na e islanan ey.
