Bishita di Comunidadnan Indigena a wordo clausura cu un panel tocante medio ambiente

ORANJESTAD (AAN) –Pancho Geerman, Director Interino di Museo Arkeologico Nacional Aruba, a elabora den un entrevista,

tocante e evento cu a wordo programa pa Diahuebs 1 di December anochi, cu ta consisti di un panel cu comunidadnan indigena di Suriname, Guyana, Puerto Rico, Dominica y di La Guajira.

Esaki despues cu na comienzo di siman tabata diferente presentacion di estudionan cu a wordo haci, y discusionnan di mesa y nan a bay bishita sitionan arkeologico. Diahuebs tabata e clausura.

Geerman a menciona cu nan ta bay papia riba e perspectivanan di e hendenan tradicional, con nan ta wak naturaleza, con nan ta wak cambio di clima y ki influencia esaki tin riba nan sistema di bida.

Aki, e panelistanan ta contesta e diferente preguntanan cu bin dilanti door di e publico ; pues e intercambio aki, entre e publico y e panelistanan, ta specificamente dirigi pa publico en general. E dianan prome tabata tin diferente tayer di trabao unda e expertonan tabata discuti cu otro.