ORANJESTAD (AAN): Un total di 22 investigador ta drenta e siguiente fase di e programa di PhD Scholarships 2025.
A selecciona e investigadornan aki pa desaroya nan idea inicial den un aplicacion completo pa un beca pa haci un PhD.
Esaki for di idea inicial te na aplicacion completo! Na fin di 2025 y inicio di 2026, un comision di bintitres investigador caribense a evalua e ideanan di 72 candidato. A base di esaki, e comision a recomenda pa permiti 22 candidato sigui pa e siguiente fase. Directiva di NWO a tuma e recomendacion aki na fin di maart 2026.
Evaluacion cuidadoso: Un minimo di 3 y un maximo di cinco miembro di comision a revisa cada entrega. Nan a duna puntonan y un contesta substancial. A base di esaki a conseha 22 candidato pa sigui. Esaki ta mas cu e cantidad stipula pa e elaboracion completo, debi na e calidad halto di e aplicacionnan preliminar cu nan a entrega.
Oportunidad pa reaccion! Candidatonan cu no a cay den e seleccion por a responde riba hechonan incorrecto den e evaluacion. E comision a bolbe revisa e contestanan aki. Aunke nan a ahusta algun evaluacion, esaki no a conduci na un seleccion final diferente.
Cuminza cu e aplicacion. E candidatonan selecciona a ricibi tur informacion necesario caba pa skirbi nan aplicacion completo. Nan tin te cu 26 di mei 2026, 11:00 am (ora di Aruba) pa entrega esaki na NWO.
E siguiente pasonan: Den zomer, e comision lo lesa tur e aplicacionnan completo. A base di esaki, e miembronan di comision lo indica tocante cua topico di e candidatonan nan tin pregunta ainda. Despues di esaki, lo sigui cu e entrevistanan cu e 22 candidatonan den herfst. Na november 2026 lo anuncia ken lo haya e 7 becanan pa haci un PhD.
Esnan cu kier sa mas tocante e programa of e procedura? Bishita e website di www.nwo.nl of tuma contacto via email This email address is being protected from spambots. You need JavaScript enabled to view it..
