Binti agente nobo pa Wardacosta di Caribe Hulandes

ORANJESTAD (AAN): Despues di a finaliza cu exito un estudio di un aña, Diabierna ultimo binti aspirant a ricibi nan certificado y diploma di ‘Buitengewoon Agent van de Politie’ (BAVPOL),

for di man di Director di Wardacosta di Caribe Hulandes, Frank Boots y Alpha Falbru, Directora di ‘Opleidingsinstituut Rechtshandhaving en Veiligheidszorg (ORV).

   E aspirantnan a ricibi e diploma y certificado durante un ceremonia na Marinebasis Parera. Awor e aspirantnan ta agente di Wardacosta completamente desaroya y establese y nan ta bay reforsa e basenan di Wardacosta na Curaçao, St. Maarten y Aruba.

   E aspirantnan aki a cuminsa cu e estudio Basico di Wardacosta, e ‘Basis Opleiding Kustwacht’ (BOK) na augustus 2021. Durante e cuater simannan despues nan a risibi nan formacion. E asina yama periodo ‘Samen Sterk’ durante cual nan a keda di test tanto mental como fisicamente. Despues di e simannan di formacion a cuminsa e sobra di e formacion BOK y entre otro nan a risibi lesnan basico di habilidad di tiro, habilidad nautico, habilidad di temanan di ley y proceso di embarcacion. E aspirantnan a haya bastante retonan fisico, mental y teoretico y awor ta cla pa proteha y yuda e comunidadnan.

   Durante e ceremonia tanto Director di Wardacosta, Frank Boots como Alpha Falbru Directora di ORV, a dirigi nan mes na e agentenan. Casi un aña e aspirantnan nobo a anticipa e dia aki.  Despues di a lucha duro y pasa periodonan largo for di nan cas y famia, awor nan por celebra nan logro. E diplomanan a yega y awor e trabao na Wardacosta por cuminsa. E agentenan nobo dentro di poco ta bay e puntonan di sosten di Wardacosta na nan pais caminda hunto cu otro agente di Wardacosta nan lo bay traha riba lama.