ORANJESTAD (AAN): Dia 1 di September, señora Dorinda Werleman-Maduro cumpli 25 aña di servicio na Wit Gele Kruis.
Dorinda a traha pa hopi aña den departamento di Kraamzorg y desde aña pasa ta trahando den e departamento di Stevig Ouderschap.
Segun su coleganan, Dorinda ta un persona cu hopi dedicacion, pasenshi y amor pa cu su trabou y semper cla pa yuda.
Riba dia cu el a cumpli su 25 aña di servicio, su coleganan a organiza un celebracion chikito na Playa pa mustra nan aprecio, como tambe pasa un rato ameno y contento cu Dorinda.
Wit Gele Kruis completo ta gradici Dorinda pa bo bon trabou y cu e sigui traha hopi aña mas na WGK.
