Bijstand pa personanan cu limitacion ta aumenta cu 100 Florin pa luna  

Ministro Mervin Wyatt Ras a divulga

ORANJESTAD (AAN): Minister di Salubridad, Asunto Social, Cuido di Adulto Mayor y Maneho di Adiccion ta anuncia cu Gobierno di Aruba a aproba un aumento di 100 Florin pa luna di e bijstand pa personanan cu limitacion, entrante 1 di Augustus 2026.  Esey nifica cu fin di luna aki lo bay ricibi e suma riba nan pago.

   Cu e aumento aki, e suma mensual di e bijstand lo bira 1.180 Florin bruto pa luna. E suma nobo lo keda adapta den e bijstand di luna di augustus 2026.

   E decision ta refleha e enfoke di e Ministerio pa promove bienestar y inclusion, cu enfasis riba sosten pa personanan cu limitacion.  Esaki sigur ta un bon noticia pa e personanan aki, cu tin algo extra awor pa cubri e costo halto di bida.

   Ciudadanonan cu tin pregunta, y kier haya mas informacion, por tuma contact cu Departamento di Asunto Social.