Biblioteca ta trahando riba un ‘cara nobo’

Un mural riba edificio di biblioteca

ORANJESTAD (AAN): Celebracion di '75 aña di trabou di biblioteca na Aruba’ tey y biblioteca ta trahando riba un ‘cara nobo’. Uno cu ta briyante, yen di color y cu bunita palabra.

            Entre otro lo expone mas poema contemporaneo riba e bentananan. Mural artist, Robby Solognier (a haci ultimo cambionan riba e Mural cu ta capta atencion di tur cu ta pasa dilanti di biblioteca na Playa.    Tanto e mural como e tres pilarnan a haya un bachi nobo y fresco cu ta alsa e fachada di biblioteca y dun’e un imahen hopi bunita y colorido.

            Robby a haci su maximo esfuerso pa termina e obra na tempo pa e celebracion. Cada biaha Robby ta logra crea un imahen unico, alegre, tropical.

            Cu un edificio completamente renoba, biblioteca ta cla pa ricibi tur bishitante pa e aña escolar nobo.

            Robby ta sigui expresa su creatividad y por experencia esaki durante Aruba Art Fair cu ta tuma lugar den prome siman di september.