Biblioteca preparando pa ofrece servicio nobo cu ‘The Urban Culture Lounge’

ORANJESTAD (AAN): Un bon noticia pa Aruba!  DIARIO a haya sa cu pronto Biblioteca ta ofrece un servicio y experencia nobo cu apertura di ‘The Urban Culture Lounge’ den su edificio na George Madurostraat 13.

   Sr. Dyon Lutter y directora, Astrid Britten, a firma un acuerdo pa desaroya un concepto nobo na biblioteca O’stad. Pronto ‘The Urban Culture Lounge’ ta presenta su diseño y despues e renovacion di e espacio por cuminsa.

   Den futuro bishitantenan por lesa un corant of revista, disfrutando di un koffie of un otro bebida y un snack den ‘The Urban Culture Lounge’.