ORANJESTAD (AAN): Aruba Circular Economy Foundation hunto cu Biblioteca Nacional Aruba ta presenta algun charla interesante tocante e tema ‘Road to the circular Economy’.
Esaki ta tuma lugar na Cas di Cultura diabierna anochi dia 22 di april di 6or y mey pa 8or y mey.
Presentacionnan ta na Ingles. Orador principal ta sr. Manuel Maqueda. Sr. Maqueda ta splica kico un economia circular ta den contexto di sostenibilidad. Sr. Maqueda ta presenta ‘Circular Businesses models’ pa informa publico. Sra Indrah Zaandam ta modera e anochi. Otro oradornan ta sr. Dylan Farro (Banco Central), sra. Christie Mettes (Metabolic Foundation) y sr. Oliver Vieira (Qcredits Aruba).
Ta e meta di e organisadornan pa e charlanan inspira publico y ta trece ideanan inovativo y oportunidadnan nobo. Participacion na e anochi interactivo ta gratis.
