Biahe educativo di studiantenan di Filomena College MAVO na Italia

ORANJESTAD (AAN): Recientemente un grupo di 15 studiante di Filomena College MAVO na San Nicolas a haci un biahe di 8 dia pa Italia.

E biahe aki tabata parti di e proyecto Europeo, Erasmus plus.

Despues di un seleccion extensivo e grupo aki tabata esun cu a bay e biahe. E alumnonan tabata Keldrixia Arrindell, Shalienne Brown, Amir Croes, Jayson Cuevas, Kaylee-Ann Gomez, Brandon Kingsale, Erline Kock, Maya Gordon, Emily Mohamed, Kiandra Nicolaas, Valentina Rivas, Jennely Tromp, Qianna Werleman, Arthur Willems y Jhairion Williams.    E maestronan cu a compaña e alumnonan aki tabata Raquel Lampe, Mariela Carrion y Daisy Franken.

Durante e bishita educativo na Italia nan a bishita Museo Vaticano, Fontana di Trevi, Capilla SixFina, Basilica di San Pedro, Colloseum, Panteon. Tambe tabatin workshop recreativo unda nan a siña traha pizza Italiano.

Durante e biaha nan a cana den Centro di Roma y tambe a experiencia Roma su prome Museum Station cu a habri completo 2 luna prome cu e alumnonan aki a yega.

Na ISSS Charles Darwin tabatin e intercambio cultural & student Mobility di Erasmus plus.

Cu e articulo aki e grupo ta gradici Erasmus plus y Skoa, e scol  ISSS Charles Darwin y tur docente specialmente Antonio Sciortino y Eleonora Minelli. Tambe e alumnonan ta gradici maestronan Raquel Lampe, Daisy Franken y Mariela Carrion y cada mayor cu a coopera cu nan.