Basta hende a acudi diahuebs na Centro di Bario Playa Pabao pa haya nan vacuna

ORANJESTAD (AAN):  Diaranson 16 di Februari a stop cu e vacunacion contra Covid-19 na Centro Deportivo Betico Croes. Sinembargo, esaki ta sigui den centronan di bario.

Diahuebs por a mira cu e unidad mobil di BRA tabata ubica na Centro di Bario Playa bao.

Toch por a ripara cu tanto mainta como atardi, e rij di hende tabata constant. Esaki ta nifica cu e interes pa vacuna tey ainda den comunidad.

Mester tene cuenta cu awor mas cu nunca comunidad mester ta vacuna. A elimina e restriccionnan, pero ta recomenda pa tur hende ta vacuna.

E virus di Covid-19 tey meymey di nos, y pa evita cu bo bira malo y haya cualkier complicacion, bo mester ta vacuna.

Departamento di Salud tambe a anuncia cu e vacunacion lo continua na nan edificio na Caya Ing. Roland Lacle #4, di dialuna pa diabierna for di 8 am te cu 4 pm, 'non-stop'.