Barco Zr.Ms Groningen a intercepta riba di 500 kilo di cocaina

ORANJESTAD (AAN): E barco di Marina Hulandes Zr.Ms. Groningen riba dianan 13 y 25 di Februari a intercepta dos transporte di droga den Lama Caribe.

   Zr.Ms. Groningen durante su ronda di patruyahe a keda informa di parti di un avion di patruyahe Mericano, tocante e dos ‘go-fast’ nan.

   Pero e militarnan Hulandes cu nan boto rapido di intersepcion, FRISC, cu tabatin na bordo un ekipo combina di e tripulashon di e barco di Wardacosta Mericano, cu a subi na bordo di Zr.Ms. Groningen, y esakinan a persigui e botonan go-fast.

   E prome go-fast a sabi di scapa, pero den esaki si a logra tira su contrabanda den laman, cu den e caso aki e FRISC a saca nan tur bek for di lama.

   E contrabandistanan sospechoso abordo di e segundo Go-fast, a entrega nan mes na momento cu militarnan a los tiro di advertencia for di e helicopter maritimo di combate NH-90.

   E dos sospechosonan ademas di e contrabanda a keda entrega na US Coast Guard pa wordo persigui penalmente na Merca.  Un total di por lo menos 500 kilo di cocaina a keda confisca.

   For di Januari 2025, Zr.Ms. Groningen ta e barco staciona den region Caribe y ta activo den e region y ta intercambia colaborashon durante operashonnan anti droga hunto cu Wardacosta di Caribe Hulandes y tambe US Coast Guard.