Barco di mas grandi di mundo lo ta marando den waf awe

ORANJESTAD (AAN): E barco tin un largura di 347 meter, y su hanchura ta di 41 meter. 

Ta trata aki di Odyssey of the Seas, cu ta e barco di mas nobo di Royal Caribbean International.  Nan ta e prome barco cu un deck di piscina cu inspiracion di Caribe, estilo di Hotelnan.  E tin dos piscina y cuatro whirlpool.  Restaurantnan cu tin hasta mesa di teppanyaki, y areanan di observacion nunca antes bisto.

   El a sali Diasabra atardi 5:00 pm for di Port Everglades na Fort Lauderdale (Florida), y riba Diadomingo a bishita Nassau na Bahamas.

   Awe for di 8:00 am te cu 11:00 pm e lo ta na Aruba, unda lo bay tin ceremonia relaciona cu su prome bishita.

   Diahuebs e lo ta di bishita na Curacao, y Diadomingo dia 28 di November e lo ta bek na Fort Lauderdale.

   Odyssey of the Seas ta e di cinco barco crusero di e clase Quantum, y ta yena cu yen di atraccion nobo cu bo no ta haya riba un otro barco.

   El a cuminza nabega e aña aki mes, esta 2021, y desde Juli pa October a haci viahenan den Mediteraneo.  Awor desde November e ta haci viahe den Caribe, saliendo for di Fort Lauderdale.  Y e barco ta trece pa e pasaheronan un tonelada di cos pa haci, for di landamento, shownan en vivo, y hasta bumper cars.  Tin hopi cos pa mira y haci abordo.

   Y cu un barco asina grandi, di berdad e pasahero ta bay haya hopi mes pa entretene su mes.

   Pa evita cu tin asina hopi hende aglomerando riba un barco, Royal Caribbean a diseña e barco aki cu suficiente atraccion pa asina kita tur hende cu semper tin gana di ta den e mesun area.  Tin hopi mas cos pa haci tanto na e parti mas dilanti di e barco, como tambe e parti mas patras.