Banco di Caribe a topa cu Agencianan di Auto

Como muestra di aprecio

ORANJESTAD (AAN) : Pa di dos aña consecutivo Banco di Caribe a topa cu representantenan di benta di agencianan di auto na Aruba.  E biaha aki e ‘Car Dealer Event’ a tuma lugar na Ricardo’s Restaurant na Aruba Beach Club Resort y a resulta masha exitoso. A combina bon combersacion y algo di come y bebe den un ambiente cu bista riba lama tur hende por a disfruta di un momento ameno intercambiando cu otro.

   “Nos ta sumamente agradecido pa e bon colaboracion cu Banco di Caribe a bin ta ricibi cerca agencianan di auto. Ta p’esey mes nos ta gradici un y tur pa nan presencia awe na nos Car Dealer Event 2022”, esaki tabata palabranan di bon bini di Sr. Elvin Maduro siman pasa diahuebs na Ricardo’s Restaurant.

   Director di Banco di Caribe Sr. Elvin Maduro a gradici tur agencia di auto pa e sosten continuo. Naturalmente Banco di Caribe ta haci su maximo esfuerso pa tur cliente ta contento cu e servicio y e fiansa pa nan auto.  E compromiso ta, pa keda honra confiansa di e comunidad di Aruba.   

Riba fotonan adhunto por mira parti di e evento cu Banco di Caribe a organisa como muestra di aprecio na agencianan di auto.