ORANJESTAD (AAN): Riba Diabierna dia 18 di Maart 2022, un dama kende ta 7 luna na estado a perde su cartera.
E ta haci un suplica awor na e persona cu por a haye, pa debolbe.
E dama tabata cumprando bolo na un cas na Paradera, el a paga pa bolo, y a hasta haya placa bek, y tabatin e cartera den su man. Despues el a sali bay cu su cartera y cahanan di bolo. Despues a cruza caya pa bay parkinglot di Hong Kong Supercenter. Un caminda of otro, e cartera a desaparece.
E ta un cartera blauwscur, cu tin placa den dje y cantidad di carchi importante pa e doño Joyceline Abbath. E ta inclui tambe algun placa di papel souvenirs di su bishita na otro pais den pasado.
Como cu e ta na estado, ta bira dificil pa e bay bishita tur e instancianan pa saca copia di su carchinan, y pesey e ta pidi pa cualkier persona cu a haya e cartera aki, of si acaso bo sa di un hende cu tin e cartera, ta ser pidi pa yama 569-8674 pa debolbe, of duna informacion ta unda e cartera ta. Of por hibe bek na Customer Service di Hong Kong Supercenter.
Esnan cu a bende bolo, a yuda tambe busca tur e area rond di e Supermarket, e parkinglot, y tur yerba y mata cu tin eybanda, pero no a haya e cartera.
