Ban Bek Caya lo bira un Shopping Night cu descuento y ambiente

ORANJESTAD (AAN): Caya Grandi ta cla pa briya atrobe! Awe Diabierna 6 di juni, Aruba lo conoce un evento completamente nobo:

Ban bek Caya! Un anochi special yena di alegria, cultura y ofertanan unico, cu ta invita tur hende pa sali y disfruta di un experiencia unico den centro di Oranjestad.

   Comerciantenan den Caya Betico Croes a presenta na un reunion, y nan a mustra di ta cla pa duna bida nobo na nos caya, cu speranza pa trece mas hende y recrea e magia cu un tempo tabata presente den e curason di nos ciudad. Ban Bek Caya ta mas cu un shopping night, e ta un celebracion di identidad, di union y di alegria!

Diabierna for di 6’or pa 10’or di anochi, Caya Grandi lo ta e centro di diberticion y compras yena cu musica, color y sabor. Tiendanan lo habri cu descuentonan iresistibel, perfecto pa un anochi di compras pa tur gusto y tur edad. Esaki ta bo chens pa stimula e economia local mientras bo ta disfruta cu famia y amigonan!

   Entretenimento: Na Plaza Daniel Leo lo tin animacion di DJ Sky y DJ Devin, y tambe Ataniro.  Na Plaza La Linda lo tin grupo Tsunami y Shine Music, y aki tin un Food Court tambe.   Na Plaza Pro Fashion tin Kids Corner y Dino Jump, cu Cotton Candy y Popcorn.  Na Plaza Nikki Habibe tin Banda Chay y ambiente na Chubato Beer World.  Na Plaza Djiespies tin Banda Proost, Caha di Orgel Olga, Balie Nos Cultura, y Dazzling Dancers.  Na Plaza Comercio tin NBO y tambe Artesania local.

   E shopping night di Ban Bek Caya, ta inclui ofertanan spectacular: Tin e HOYA Happy Hour for di 4’or pa 9’or pm.  Na Aruba Duty Free tin descuento te cu 40 porciento, y regalo gratis cu compra di 150 Florin of mas, y lo tin bubbles pa cumpradornan, y DJ Splash lo toca.

    Na Coffee Break & Aruba Coffee Roasting Co. tin happy hour di 4 pm te cu 8 pm, cu 10 porciento riba tur coffie, bebida di coffie, ice-cream, y specialnan di ice cream.

    Na Star Fashion tin descuento di 20% y 50% riba e tienda completo, y e tent pafo tin prijs di 10 pa 25 Florin pa zapato y paña.  Cu compras di 100 Florin por gana 3 anochi na La Cabana.  Na Mayloren’s Novedaders, tin 20 te 50% riba cierto zapato, tas, y paña.  Na Winme tin te cu 40% riba prenda di oro di 14kt.

   Na Parfois ta duna 2x Fun Miles riba tur compras.  Na Aeropostale tin 30 te 40% di descuento.  Na Aldo Caya Betico Croes tin 50 te 70% descuento, cu 2x Fun Miles.  Na Amito lo tin 20% descuento riba tur cupnan Stanley.

   Comerciantenan ta sinti un gran entusiasmo pa e prome edicion di Ban Bek Caya y ta participa na e iniciativa aki cu ofertanan special pa haci e evento aki uno exitoso. Bin cu famia y amigonan y goza, balia, cumpra, come y celebra Aruba su Caya Betico Croes.