ORANJESTAD (AAN): Un noticia basta tristo a drenta diamars anochi ora cu a bira conoci cu e baby Ronin,
cu casi 8 luna a perde su bataya y a fayece..
Ronin a nace na September 2020. E tabata un baby prematuro y cu a presenta problema cu curason.
E tabata tin mester di tratamento special y pesey cu ayudo di AZV a mande Colombia, pero na e clinica na Bucaramanga a bisa e mayornan cu no por a haci mucho mas p'e.
Asina a inicia un campaña pa recauda fondo pa por a yega na un suma cuantioso y hiba Ronin Merca pa haya su tratamento avanza pa su malesa.
Baby Ronin, sinembargo a perde e bataya prome cu por a hibe Merca. El a fayece diamars.
DIARIO ta expresa palabranan di condolencia na su mayornan, Gabrielle de Mey y Jermean Kaersenhout y henter famia na e momentonan dificil aki.
