Director di AZV Edwin Jacobs:
ORANJESTAD (AAN) -- Director di AZV a indica, finalizando e entrevista cu DIARIO, cu AZV ta trahando hunto cu DVG pa loke ta trata con ta bay atende cu e resultanan di rapport STEPS.
“Nos no a haya tur e resultadonan ainda, y un parti hopi importante di STEPS ta, cu a tuma tambe di e personanan e datonan socio-economico. Cu e datonan aki tambe por interveni directamente. Nos sa caba, a base di otro estudionan internacional, cu na cierto momento bo situacion socio-economico ta trece cierto peligronan cu ne. Nos sa cu tin personanan cu tin menos estudio, menos chens pa haya miho cuido, kizas nan no por lesa e cosnan miho, no por atende e problema di salud miho. Pero cu e informacion socio-economico aki, ta bay duna nos un oportunidad pa por interveni mas directo.
Solamente, segun mi a compronde, cu ainda no a logra yega na e analisis ey, cual ta pa nos hopi crucial pasobra miho bo por interveni directamente den un grupo cu bo sa, cu bo por cambia, cu bo mantene hopi general” Edwin Jacobs, director di AZV, a señala.
