ORANJESTAD (AAN) – Yris Acacio, a duna di conoce den entrevista cu DIARIO, cu nan ta un organizacion Con Venezuela,
cu a bin afo pa haci un convocatorio na tur Venezolano residente na Aruba, pa awe Diasabra 6 di Julio 2024, participa den un simulacro pa eleccionnan di dia 28 di Juli.
E Simulacro lo tuma lugar na Plaza Bolivar, pa 4’ or di atardi te cu 7’or di anochi. El a bisa cu ainda no ta conoci pa nan si e votacion lo ta riba papel of digital. En todo caso, Yris a haci un yamada na tur hende homber y muher guerero pa bin participa den e simulacro aki. E simulacro lo wordo haci di ambos forma, pa tur venezolano residente na Aruba, tin e conocemento di lo cual e Conseho Nacional lo manda pa nan eherce nan voto.
E votacion lo no tuma lugar den e Consulado sino 200 meter di distancia pariba di dje. Grupo Con Venezuela tin un aproximacion di 1300 residente cu derecho di voto.
E votantenan mester trece nan cedula lamina, no importa cu e ta venci. Cu ne, nan tin derecho di voto. “Nos ta haciendo un yamada na tur esnan cu ta Venezolano, cu tin cu cedula y ta legal na Aruba, vaya vota. Si e persona no ta registra (censo) lo no por eherce e voto”, e dama a señala.
El a expresa cu nan ta sinti hopi speranza. “Cu señor Edmundo Gonzalez Urrutia nos tin e speranza. E ta nos candidato pa nos Libertad, pa nos democracia”, Yris Acacio, di Grupo Con Venezuela a conclui.
