ORANJESTAD (AAN): Manera ya tabata conoci, entrante 1 di april 2021 a bay na vigor e cambio di ley den e Lista Positivo,
esta e lista di remedi cu ta worde cubri via AZV. Esaki den cuadro di e instruccion di gobierno di Aruba y Hulanda pa AZV cumpli cu e reduccion di gastonan den sector di cuido.
Entre tanto a tuma accion pa prepara esaki y anticipando riba e cambio di ley pa bay back na e situacion anterior, ta mantene e Lista Positivo manera cu esaki tabata riba 31 di januari 2021.
Loke e ta nifica pa e asegurado: Esaki ta nifica cu entrante 1 di mei bo persona no ta worde confronta mas cu e informacion cu lo mester paga pa remedi por ehempel pa motibo cu esaki a bira un categoria di ‘Cuido Propio’ of “OTC” (Over The Counter). Tur remedi lo bo ricibi manera costumber, conforme e Lista Positivo di 31 di januari 2021.
Loke e ta nifica pa e dunado di cuido: Den practica e ta nifica cu ta mantene e Lista Positivo manera e tabata conoci riba 31 di januari 2021.
