Awor ta Debbie Aflalo ta by representa Republica Dominicana na Miss Universe

E pais a haya un reemplazante toch --- SANTO DOMINGO: E organizadornan di Miss Republica Dominicana Universo a anuncia Diamars,

cu e representante di Azua na e certamen, esta Debbie Aflalo Vargas ta bira e reemplazante di e Miss Republica Dominicana Andreina Martinez, despues cu el a sali positivo pa Covid-19.

   Debbie Aflalo tabata e dama cu a keda prome finalista den e certamen.

   Mirando e hecho cu e fecha pa certamen di Miss Universe 2021 ta yegando cerca, y cu e reina Dominicana tin di bay den isolacion y cuarentena, e ora tabata cla cu su participacion na e certamen maximo cu lo tuma lugar na Israel den December, lo no bay ta posible.

   Na su lugar, a escoge Debbie Aflalo pa bay representa e pais di merengue na certamen na Eliat, Israel.

   Debbie Aflalo ta un modelo profesional, pero cu estudio den diplomacia y relacionnan internacional.  El a haci estudio y diseño di moda tambe, y a traha como stewardess, y actualmente ta siguiendo educacion pa logra su titulo di MBA den Business.

   E ta identifica su mes cu e famoso diseñador Oscar de la Renta, cu ta un Dominicano cu di abao a bin y triunfa den mundo di moda y a bira un di e diseñadornan mas reconoci.

   E motivacion di Debbie Aflalo pa participa den Miss Republica Dominicana Universo tabata pa hisa e pais na e pedestal di mas halto posible, como tambe avanza su carera di modelo.