ORANJESTAD (AAN): Siman a habri cu e detaye, cu Setar NV ta contento pa anuncia cu nan conocido ‘Setar App’ awor tin mas funcionalidad pa clientenan.
Clientenan cu ta haci uzo di e Setar App por update e app pa haya e ultimo funcionalidadnan. Awo cu e update nobo, clientenan por wak informacion di nan invoice den e Setar App. Tap riba Billing abou pa haya informacion di tur bo servicionan existente na Setar, open balance y invoicenan mensual den un solo bista.
Ademas, awo cu e Multi-Device Feature bo por maneha varios number di telefon na mes momento via bo Setar App. Tap riba e menu rechts ariba, selecta Manage Devices y agrega un otro number di telefon na bo Setar App.
Banda di e funcionalidadnan nobo, clientenan por haci uzo di e Setar App pa wak e saldo di e minuutnan di yamada, SMS y data den bo pakete, recarga bo number prepaid, cumpra bundles, add-ons y mucho mas.
Bo no tin bo Setar App ainda? Download e via Play Store of App Store gratis. Unabes cu download e app, por registra facilmente cu bo username y password di MiSETAR. Scoge bo idioma preferi, enable e Light of Dark Theme y agrega e Widgets nan cu e informacion cu bo ta desea na bo Home Page pa un experiencia personalisa.
