Awenochi lo pasa documentario tocante e di 16 aniversario di Elite Productions

ORANJESTAD (AAN): Riba dia 1 di September 2023, e compania local Elite Productions & Entertainment ta celebra nan di 16 aniversario.

Un compania cu durante añanan a sa di crece y bira e compania di mas grandi den e mundo audiovisual di Caribe.

            Awenochi pa 9.15 pm atravez di TeleAruba Canal 13 lo presenta un documentario cu tin e nomber di ‘Resonancia den Paraiso’. Ta trata di un documentario cu ta conta e aventura notable di creatividad, innovacion y tambe e rol di Elite Productions den e industria turistico durante e ultimo 16 añanan na Aruba.
            E documentario ta duna un bista di con e idea a cuminsa y con e la evoluciona durante e añanan. Tambe por tende di diferente empleadonan y ex-exmpleadonan con nan ta biba cada momento di nan trabou cu Elite Productions & Entertainment.

            Hopi biaha persona nan cu ta atende un evento of e cliente mes, no tin un idea di kico ta pasa promer cu e evento cuminsa. For di momento di e preparacion den e warehouse te na e evento mes tin hopi etapa.

            Durante e documentario lo por haya un idea tambe con tur esaki ta bay den proceso.
            E documentario lo ta tambe riba e facebook y Instagram page di Elite Productions & Entertainment.