Minister Rocco Tjon ta informa:
ORANJESTAD (AAN) — Minister Rocco Tjon, Titular di Asunto Social y Husticia, ta informa cu awe, Diamars 19 di September 2023, tin un importante reunion den e Sede di MEP di 7 pa 9 or di anochi, tocante e tema di RAft di Hulanda.
Minister Tjon a señala cu esaki ta un reunion informativo ya cu e tema di RAft ta hopi den noticia, ultimamente, y e ta un tema sumamente importante pa loke ta e finansas y e futuro di Aruba.
Fraccion di MEP a tuma e iniciativa hunto cu Gobierno di Aruba, y den su totalidad cu Partido Electoral di Pueblo, pa asina aki trece un anochi pa duna informacion corecto, detaya, den profundidad, pa tur persona interesa, cu kier sa mas di e topico aki.
“Nos sa cu e tema aki ta uno sumamente valioso, RAft sin embargo, no ta un asunto cu nos mester bay tambalea riba dje, ni un asunto cu nos tin cu bay duda riba dje, sinembargo nos tin cu tuma posturanan fuerte, como Aruba, como politiconan, como ciudadano, kico ta lo miho pa e futuro di Aruba. Nos sa cu awo hopi persona ta lanta cabes pa trece tur tipo di informacion tocante di e RAft. Y netamente pa esey e anochi informativo aki ta bin, door di e fraccion di MEP”, e mandatario a subraya.
