ORANJESTAD (AAN): Despues di varios siman cu nan a pasa den varios actividad hunto, siguiendo diferente workshop y tayer pa cu nan desaroyo personal,
porfin e dia final ta yega pa asina mira kende di nan lo bay cu e titulo maximo di Miss Teen Aruba International 2023.
Un biaha mas, GLW Foundation ta uni forza cu patrocinadornan, pa organisa e certamen di Miss Teen Aruba International 2023.
Esaki lo ta awe Diasabra 22 di Juli 2023 den Cas di Cultura. E certamen y coronacion ta planea pa cuminza pa 8:00 pm.
E biaha aki a logra haya un grupo di ocho candidata, kendenan tur tin hopi potencial pa bay cu e corona awenochi.
Tin indicacion cu nan tur ta haciendo nan best pa asina luci cu nan trahe, nan estilo di cana pasarela,
y sonrisa riba escenario dilanti huradonan cu ta bay tin un trabao dificil sigur.
