ORANJESTAD (AAN): Mescos cu varios pais den Caribe a conoce un caida den tarifa di combustible ultimo simannan, awor a toca turno pa prijs di gasolin baha tambe na Aruba.
Minister di Finanzas y Asuntonan Economico a anuncia e prijsnan nobo di benta di combustible entrante awe Diaranson 8 di september 2021.
Gasoline unleaded-premium ta baha cu 2,2 cent, pa wordo bendi awor na 233,6 cent pa liter.
Diesel LS ta baha cu 3,7 cent, pa wordo bendi awor na 185,6 cent pa liter.
Kerosin ta baha cu 4,1 cent, pa wordo bendi awor na 163,0 cent pa liter.
E prijsnan ta inclui BBO/BAZV/BAVP.
