Awe parti paden di e Rotonde Palm Beach lo wordo cera

E lane parti pafo si lo keda habri pa automobilistanan

ORANJESTAD (AAN): Diabierna 9 di september 2022, manera cu a priminti a habri e rotonde di Palm Beach, pero parcialmente.

            Cuminsando awe dialuna entre 7’or di mainta te 4’or e lane parti paden lo wordo cera pa motibo cu e parti meymey di rotonde no ta completamente cla.  E lane parti pafo si lo keda habri pa automobilistanan.

            Dia 23 september 2022, e rotonde lo wordo completamente habri.

            Departamento di Obranan Publico (DOW) a expresa palabranan di danki na cada empleado cu a traha incansabel pa e rotonde akinan keda cla y sin lubida tur e habitantenan y automobilistanan cu ta frecuenta e area akinan pa e pasenshi brinda durante e ehecucion di e proyecto akinan.

Potretnan: Facebook Page DOW