ORANJETSAD (AAN): Mercado di Santa Rosa lo tey atrobe awe Diasabra dia 23 di Mei 2026. E sector primario ta uno masha importante, y ta un sector di enfoke pa Gobierno.
Pueblo por disfruta di cumpra varios producto fresco y local, aportando na e economia local di Aruba, y tambe na e cunukero y agricultornan di e isla.
E biaha aki ademas di remedinan di tera, bebidanan natural manera kombucha, cahanan di webo, sauce pica, matanan, tambe essential oils, fruta y berdura, carni fresco, lo bay tin algo cu pa hopi tempo Arubianonan ta pidiendo p’e.
Esey ta Bolonan horna sin sucu. Tambe bolonan horna sin hariña.
Esakinan lo wordo ofreci door di Monique Leerdam, cu ta bay ofrece bolonan aki cu sigur lo bay ta un hit cerca ciudadanonan, specialmente esnan cu ta pashent diabetico, y esnan cu kier mantene nan linea como debe ser.
A compronde cu hopi biaha tin ciudadanonan cu ta pidi pastelerianan local pa traha bolo sin sucu, pero e ta algo cu hopi negoshi na Aruba no kier haci.
Pero awor Monique Leerdam lo tey awe na Mercado di Santa Rosa pa ofrece esaki. Comunidad ta ser pidi pa bay sostene agricultornan, criaderonan, y empresarionan local, door di acudi cu bo saco di compra, y tambe placa cash.
Mercado lo ta Diasabra for di 8:00 am te cu 12:00 pm.
