ORANJESTAD (AAN): E siman aki a tuma lugar un prome encuentro balioso entre e directiva nobo di e Asociacion di Dokternan di Cas na Aruba (HAVA) y Minister di Salubridad, sra. drs. Melvin G. Wyatt-Ras.
For di 1 di maart 2026, e directiva nobo a asumi oficialmente su funcion. Den cuadro di e cambio di directiva, a tuma un encuentro positivo unda e directiva nobo a presenta su mes.
Durante e encuentro, temanan manera colaboracion, e futuro di cuido di dokter di cas y diferente reto den sector di cuido a wordo trata.
E directiva nobo di HAVA ta consisti di sra. drs. Maribelle Tromp (epidemiologo) como President. Tambe sra. drs. Priscilla Tjon Kon Sang (dokter di cas) como Vice-President. Tambe tin sra. drs. Melanie Ho-Kang-You (dokter di cas) como Secretario. Tin tambe sr. drs. Marcel Ho-Kang-You (dokter di cas) como Tesorero.
E meta di e directiva nobo di HAVA ta un colaboracion constructivo cu Ministerio di Salubridad cu ta den interes di e cuido brinda door di dokter di cas cu ta di calidad, accesibel y duradero pa tur pashent.
