Awe lo tin un momento historico den Parada di Savaneta

Masquerade Parade awenochi

ORANJESTAD (AAN): Tur spotlight awe Diabierna anochi ta dirigi riba e dama Elsa Beaujon-De Kort, kende ta reina di Señora Carnaval di Savaneta 2025, y e tabata ademas e Prome Reina Hubenil na 1962 di Savaneta.

   Pues despues di 63 aña, Señora Elsa Beaujon-de Kort ta back den Carnaval hunto cu e Reina nan, Jazira Isis Frans, Reina grandi, Skyrah Zinnia Arends, Reina Hubenil y Carolyne Kock, Reina Infantil.

   Señora Elsa Beaujon-De Kort tabata e prome Reina Hubenil di Savaneta na 1962 y awor despues di 63 aña el a ser corona como Señora Carnaval 2025.

   Un otro momento historico ta cu, Savaneta Brass band lo ta den parada despues di casi 40 aña.

   Parada di Mascarada ta awe Dia di San Valentino, cuminzando 8:00 pm.  E lo cuminza na e Warda di Polis recien renoba na Savaneta (dilanti S-Chow Supermarket), bay zuid y finaliza na Centro di Bario Savaneta.  Percura pa bo tey.