Alberto Klaber a entrega relato di collect di 2024

ORANJESTAD (AAN):  Alberto Klaber di Brazil Taekwondo Stichting a entrega e relato di collect di aña 2024.

            Manera ta stipula den e reglamento di collect, tur persona cu ta bay colecta mester tin 18 aña bay ariba, mester tin un permiso pa collect y mester entrega un relato di collect pa mustra kico a wordo haci cu e placa cu a wordo colecta.

            Den e relato di collect di 2024 tin e suma cu a wordo colecta durante aña 2024 cu a bay pa e atletanan  cu a representa Aruba na Canada, Surinam, Costa Rica, Miami, Corsou, Orlando y mas.   Durante aña 2024 a organisa varios rifa pa yuda completa tur e gastonan hunto cu algun Sponsor cu tambe a yuda completa tur e biahenan di e atletanan di Taekwondo Team Aruba.

            Nos ta gradici Pueblo di Aruba completo cu semper ta cumpra nos rifa y ta haci donacion ora cu nos ta para ariba e brug di Renaissance cu nos botin. Pueblo ta apoya Taekwondo Team Aruba y ta deposita nan confiansa den e coach di Aña 2024 Master Yoshmar Wever cu ta train y coach e atletanan logrando varios medaya pa Aruba.