Awe lo lanza e obra nobo ‘E moneda’ di Alida Kock

Na Biblioteca San Nicolas

ORANJESTAD (AAN): Awe Diamars 10 di November den oranan di atardi, señora Alida Kock, docente, poeta, escritor di buki pa mucha ta presenta su ultimo obra titula ‘E moneda’. ‘E Moneda’ ta su prome buki pa hoben. Presentacion ta tuma lugar na biblioteca San Nicolas, Sala Esmeralda. Presentacion ta cuminsa 4or di atardi. Titulo di e buki nobo ta ‘E moneda’.

   Señora Alida Kock a nace y a lanta na Dakota. Despues di a finalisa su estudio di idioma y literatura Spaño na Universidad di Utrecht, Alida Kock a traha principalmente como interprete y traductor. El a publica dos buki di prenchi cu su mes editorial, La Kock Publishing. ‘Yuuwaanaa/Leeguuwaantje’ y ‘Cacho di rasa’/’Rashondje’ Como miembro di Simia Literario, el a skirbi poesia den varios publicacion. ‘E Moneda’ ta su prome buki pa hoben.

   “Despues di un encuentro inespera cu un homber straño riba beach, Tito ta bay busca su tata pa yuda e homber. Ora cu nan a bin bek, e homber a disparce completamente. Tito ta haya un obheto cu ta lombra den santo blanco. E obheto aki ta e yabi pa e storia secreto di e famia di Tito”

   Biblioteca Nacional Aruba ta invita comunidad cordialmente na presentacion di buki aki awe Diamars atardi dia 10 di november 2026.