Awacero di ultimo lunanan a yuda hardin di St. Paulus School

ORANJESTAD (AAN): Ya caba e Hardin di Fruta y Berdura di St. Paulus School tin como 7 pico luna di existencia. 

Esaki a forma parti di e Proyecto di Agroforesteria.  E scol ta usa awa colecta di airconan pa asina muha matanan, y tambe water di cranchi.

   Sinembargo e awacero di ultimo temponan a sa di yuda e matanan crece na forma hamas bisto.

   Recien e experto Rhakeem a yega na e Hardin, y e biaha aki a duna splicacion na alumnonan di Klas 3.  A haya splicacion di cada mata, y con tin di cuida nan.

   St. Paulus School keto bay ta buscando boluntario pa yuda nan cu e Hardin aki, y asina bo ta yuda e scol y e muchanan tambe.  Djis drenta den contacto cu cabezante.  E scol aki ta situa net pariba di Joe Laveist Sportpark na San Nicolas.