MIAMI: Dos avion di Delta Airlines a dal den otro na Miami International Airport riba Diadomingo, net ora cu tur dos tabata cuminza prepara pa bandona e ciudad.
Un di e avionnan, Delta vuelo 1654 tabata preparando pa bay bula rumbo pa Atlanta, y e otro, Delta vuelo 2911 tabata rumbo pa Boston.
Vocero di Miami Airport a bisa cu e avion rumbo pa Boston, tabata wordo pusha atras for di e Gate, net ora cu el a dal den e avion cu ta rumbo pa Atlanta. E vocero a bisa cu tanto pasahero y tripulacion di tur dos avion por a baha bek na forma safe y normal di e avion, y ningun hende a resulta herida.
Tur dos avion mester a wordo revisa door di inspectornan, y pesey e vuelonan a sufri retrazo. E retrazonan aki a dura como cinco ora, y despues porfin tur hende por a subi bek avion pa bay rumbo nan destinacion.
