Na aña 1952 un diadomingo atardi un avion pilotea pa Jopie Arens y como pasaheronan Wim Diaz y Irenio Winterdaal ta regresa Aruba for di Maiquetia, Caracas Venezuela.
E avion mester a baha prome na e aeropuerto Dakota pa imigracion y aduana. Despues di esey e avion ta lanta vuelo direccion de Vuyst ( e tempo ey tambe tabata tin un pista di avion) na unda e avion ta staciona.
Na momento cu e avion ta alrededor di ariba Balashi, e tubo di fuel ta kibra y fuel ta cuminsa lek.
E piloto Arens no ta haci nada otro mas di haci un aterizahe di emergencia.
Jopie ta baha e avion den e baki salo (Salinja) pabao di Savaneta. E avion a baha perfecto y tur 3 persona a baha for di e avion sano y salvo.
Su mañan a kita e halanan di e avion y lastra e avion hiba na e pista di de Vuyst na Lago Heights
Fuente Historia di Savaneta scirbi pa Dufi Kock
Compila pa Roberto Croes
